Wq/tn/Nabila Rmili
Nabila Rmili
[edit | edit source].jpg)
Nabila Rmili (yo o tshotsweng ka kgwedi ya Seetebosigo e tlhola malatsi a le matlhano ka ngwaga wa 1974) ke ngaka ya Morocco le lepolotiki la Phathi ya Bosetšhaba wa Baikemedi (RNI). Ka kgwedi ya Lwetse ka ngwaga wa 2021, o ne a tlhophiwa go nna mmatoropo wa Casablanca.
Dikinolo
[edit | edit source]- "Selo sa ntlha ke go nna le setlhopha se se siameng le go nna le tshepo mo go sone, go dumela mo bokgoning jwa motho mongwe le mongwe le mo ditirelong tsa tsamaiso tse di leng teng tse di ntseng di le teng nako e telele le go itse mmasepala ka botlalo. Tirisanommogo magareng ga tsamaiso le sepolotiki e tla dira gore go kgonege go lebagana le dikgwetlho tsotlhe. Ka bokhutshwane, dinonofo tse dikgolo ke go itshepa, go dira le go itshoka."
- "Seabe same jaaka ngaka se ka nna mosola fela mo seabeng same sa go nna matoropo ka gonne dithomo tseno ka bobedi ke karolo ya lekala la loago, e leng lephata le ke dirileng mo go lone botshelo jwame jotlhe, go direla le go thusa batho ba ba mo kotsing. Nngwe ya dinonofo tsa ngaka ke kutlwelobotlhoko, mme fano, ke mo kutlwelobotlhokong ya bogolo jo bongwe... Ka go dira mo lephateng la loago, dingwaga di feta masome a mabedi tse di fetileng, ke ne ka lemoga gore go botlhokwa go tsenelela mo dipolotiking go direla botoka moagi. Gompieno, ke na le tshono ya go direla moagi le go feta, ka go dira sengwe le sengwe se nka se kgonang go tlhofofatsa matshelo a bone a letsatsi le letsatsi."
- "Re ka re dipale tse di tlhakane bogologolo tala... Ke tshwere maemo a botsamaisi jwa tsamaiso mo maphateng a a farologaneng dingwaga di feta masome a mabedi. Mme fano, ke tsweletsa se ke ntseng ke se dira ka metlha, ka gonne ke nako e telele, ke tlwaetse tsamaiso le ditiro tsa yone, e ka tswa e le tiriso ya madi a setšhaba kgotsa botsamaisi. Gone ke boammaaruri gore gompieno ke botsamaisi jo bo farologaneng le jo bo re rotloetsang go tsaya dikgwetlho tsotlhe."
- "Motlotlo wame o mogolo ke go direla baagi ba Casablanca le go abelana le bone matshwenyego a botshelo jwa letsatsi le letsatsi. Poifo yame e kgolo ke go sa tshele go ya ka ditsholofelo tsa batho ba Casablanca, go swabisa botlhe ba ba neng ba dumela mo go nna le go ntlhopha. Batho ba ne ba dumela mo go rona mme ba baya tsholofelo yotlhe ya bone mo phathing ya rona. Go tla pele kwa bokhutlong jwa ditlhopho ke morwalo le boikarabelo. Re na le tiro e e bokete ya go kgotsofatsa moagi. Ke kgwetlho ya mmatota, mme re tla tshwanelwa ke go dira ka natla thata gore re se ka ra swabisa ope."